ОшМПУда ЧЕТ ӨЛКӨЛҮК СТУДЕНТТЕРГЕ ТҮШҮНДҮРҮҮ ИШТЕРИ ЖҮРГҮЗҮЛДҮ

Бүгүн Ош мамлекеттик педагогикалык университетинде чет өлкөлүк студенттердин Кыргыз Республикасынын аймагында жүрүү тартиби боюнча атайын жыйын өткөрүлдү.

Жыйынды окуу жайдын тарбия иштери жана мамлекеттик тилди өнүктүрүү боюнча проректору Мунарбек Назымов менен Мобилдүүлүк жана чет өлкөлүк студенттер менен иштешүү бөлүмүнүн башкы адиси Омарбек Мажитов биргеликте өтүшүп, ага чет өлкөлүк студенттер катышты.

Мында университеттин күндүзгү окуу бөлүмүндө билим алып жаткан жалпы студенттердин өлкө ичинде каттоого туруусу, виза меселеси жана жобонун талаптары тууралуу түшүндүрүү иштери жүргүзүлдү.

Белгилей кетсек аталган иш чара Кыргыз Республикасынын Министрлер Кабинетинин 2023-жылдын 10-октябрындагы №541 токтомуменен бекитилген “Чет элдик жарандардын Кыргыз Республикасынын аймагында жүрүү тартиби жөнүндө” жобосунун негизинде уюштурулду.